The T-Net Training Curriculum
Cov Phoo Ntawv Kawm T-Net
Phoo 1
Pawg ntseeg tejnum yog ua kuas tav tegnum cobqha txhua tsaav tuabneeg ua Tswv Yexus thwjtim lawvle Nwg tsaa huv Mathais 28:18-20. Ob tegnum yuavtsum tau ua yog 1, coj txuj moo zoo moog qha kuas tuabneeg lug ntseeg. 2. Cobqha cov ntseeg kuas coj lawvle txhua yaam Tswv Yexus cobqha rua cov thwjtim lawm. Pawg ntseeg yuav dlhau tau lug ua pawg ntseeg cobqha tau thwjtim le nuav yuavtsum yog pib ntawm xibfwb cobqha cov txwjlaug, hab cov txwjlaug cobqha cov thawjcoj moog cobqha cov ntseeg. Xibfwb yuavtsum cobqha pawg ntseeg muab puab tej nyaj siv ua Vaajtswv dlejnum. Ob qhov haujlwm yuavtsum ua kuas tav tuaj kawm phoo 2: 1. Cobqha kev tso nyaj rua huv pawg ntseeg ua Vaajtswv dlejnum. 2. Yum cov thawjcoj kawm ua Tswv Yexus thwjtim ntawm Xibfwb.
Phoo 2
Kev cobqha cov ntseeg kev luj hlub ntawm tug ntseeg lawvle Tswv Yexus 4 ntu cobqha thwjtim. Pib cobqha cov thawjcoj cobqha thwjtim huv nrug Kuv Moog, kuas tom qaab 1 lub xyoos, puab dlhau tau moog ua cov thawjcoj cobqha cov ntseeg ua thwjtim huv tej paab tsawg ntawm 3 ntu cobqha thwjtim.
Phoo 3
Cobqha cov xibfwb hab thawjcoj kuas paub meej tas txuj moo zoo yog dlaabtsi? Yuav ua lecaag cobqha tau cov tswvcuab totaub txuj moo zoo meej lawvle Vaajlugkub qha, hab cobqha puab kuas txawj moog ua povthawj ntawm puab lub neej qha txuj moo zoo. Qha cov xibfwb npaaj tsaa muaj tej paab tsawg rua cov ntseeg kawm hab nyag caw nyag cov phoojywg kwvtij tuaj koom kuas tau nov txuj moo zoo meej hab caw puab lug ntseeg.
Phoo 4
Cobqha cov qauv kawm Vaajlugkub hab npaaj lug qhuabqha kuas qha tau Vaajtswv txujlug meej hab raug lub ntsablug. Phoo nuav yog ib phoo kws cov xibfwb hab thawjcoj pum tas paab tau puab ntau tshaaj plawg rua kev qhuabqha. Kuv yog ib tug kws tau koob moov gift rua kev qhuabqha tsawg kawg, tabsis tom qaab kws qha phoo nuav rua cov xibfwb ntau phaum lawm, kuv pum tas phoo nuav paab tau kuv heev rua kev npaaj kawm, totaub, hab muab tau lub ntsablug qha huv Vaajlugkub heev dlua le kuv nyeem lossis kawm dlhau lug lawm.
Phoo 5
Cobqha cov xibfwb hab thawjcoj kuas puab paub muab yaam tseemceeb ua yaam tseemceeb ua uantej lawm yaam. Npaaj homphaj ua Vaajtswv dlejnum kuas tav npaum lecaag ua chaw tag taw rua cov tomqaab ua ntxiv moog. Tug txaa kev ua pawg ntseeg kuas lujhlub.
Phoo 6
Cobqha kuas cov xibfwb sau tau phoo ntawv qha homphaj, cov lw hab kev cobqha thwjtim kuas meej rua pawg ntseeg siv coj puab kev cobqha thwjtim.
Phoo 7
Cobqha cov xibfwb faib pawg ntseeg ua tej paab tsawg kawm ua thwjtim lawvle tej qeb sab nqeg kws hum rua cov tswvcuab hab txhawb puab moog kawm nyob rua huv.
Phoo 8
Cobqha xibfwb cobqha cov thawjcoj cobqha tuabneeg kawm ntawm puab ua thawjcoj tej paab tsawg kawm ua thwjtim. Cobqha cov xibfwb pum txug qhov kev cheemtsum yuavtsum tau hloov thaum pawg ntseeg lujhlub coob lecaag yuavtsum hloov pawg ntseeg kev ua dlejnum lecaag txhale lujhlub ntxiv.
Phoo 9
Cobqha cov xibfwb cobqha taag nrho phoo Vaajlugkub rua cov ntseeg.
Phoo 10
Cobqha cov xibfwb hab npaaj cov hauvpaug kev ntseeg rua cov xibfwb cobqha rua taag nrho cov ntseeg.